(تابع) خطاب الرئيس محمد أنور السادات، في مجلس الشعب، 21 / 1 / 1978
المصدر: "مجموعة خطب وأحاديث الرئيس محمد أنور السادات، في الفترة من يناير إلى يونيه 1978، الهيئة العامة للاستعلامات، ص 77 - 103"

لازم نذكره، لابد أن نذكر كل هذا ونذكر أيضا أنه في تطهير قناة السويس لما طلبت من الأمريكان بعد ساعات استجابوا لطلبى وبدأ التطهير فعلا تحت قيادة البحرية المصرية في الوقت اللى الاتحاد السوفيتى طلب مهلة شهر، وبعدها عادوا بعد شهر قالوا طيب ناخد الثمن من رسوم المرور فقلنا لهم الأمريكان بيعملوها لنا مجانا قالوا طيب نيجى على ما جم كانوا الأمريكان همه والإنجليز والفرنساويين تقريبا خلصوا القناة فخدوا حته في خليج السويس يطهروها، زي ما قلت قدموا في تطهير القناة وأجروها وزى ما تعلموا كلكم أن القناة من الحاجات الأساسية عندى في مصر اللى بتدينى في السنة 500 مليون دولار. بالمشروع اليابانى اللى بقى له سنة تقريبا وماشى وتستطيعوا تطلعوا تشوفوه لانه انجاز رائع، في سنة 80 أى بعد سنتين ان شاء الله بتدى ألف مليون دولار إلى هذه اللحظة لا يوجد جواب واحد متبادل بينى وما بين أمريكا بشأن تطهير القناة ولا بتكاليف التطهير أبدا وإنما زى ما حكيت لكم إلى هذه اللحظة اللى يدور في الخارجية المصرية، في الرئاسة، في أى مكان لن يجد شيء، وقلت للاتحاد السوفيتى لما جاني وبيقولوا طيب نحصل الرسوم من المرور قلت لهم الأمريكان بيعملوها مجانا قالوا طيب ورجعوا جم اشتغلوا في خليج السويس، طيب لازم تدونا جواب الأول قلت لهم بس أنا الأمريكان ما بعتلهمش جواب لغاية هذه اللحظة وما أعرف اتكلفت قد ايه وما أعرف اتسددت ازاى؟ لانه همه قاموا بيها وعملوها نوع من المعاونة لنا، برضه علشان ما نحرجهمشى كتبنا لهم. كتبنا لهم. كتبنا للاتحاد السوفيتى جواب، زى ما بحكى لكم ليست هناك ورقة تبادلها مع الأمريكان على شيء ولا على تكاليف ولا زى ما حكيت لكم وتمت واليوم بتدينى 500 مليون دولار وبعد سنتين بأذن الله بتدينى ألف مليون دولار، طيب لكن كل هذا بأذكره علشان أسجل تاريخ، لكن اليوم لازم يعرف الشعب الأمريكي لانى أنا أعرف رد الفعل وخيبة الأمل اللى في نفوس مواطنين في بلدى.

          وأبتدت تظهر في الصحافة من يومها على تصرفات إسرائيل ونتيجة مقابلتها للمبادرة المصرية اللى العالم كله إلى يومنا هذا ما أصبحتش مبادرة مصر دى أصبحت عمل تاريخى تبناه العالم كله نجحت وانتهت بالكامل

<17>